شووووووووووفو سوالف شباب الكلية
تشوف الولد يكعد الصبح مفزوع شبي مندري
هذة طبعا اذا نايم
تعرفون شباب هالوكت
تلكاه سهران الليل كله مكابل الحاسبة
وجرش سوالف وية البنات ماسنجرات وجاتات
عالكهة الاخ
واذا دخل عليه صديقة بالماسنجر يجاوبة نص كلمة
عبالك ديحل كلمات متقاطعة
بس لو بنية جان يكول
شلونج شخبارج شكو ماكو مشتاقون
ميخلي كلمة تعتب علية
يجي الافندي يريد يروح للكلية
يلبس بنطرونة المشكشك على اساس مودة
وتيشيرتة بالمكلوبي ( مطفي الولد )
ويجي يحط عشر كيلوات جل بشعرة
وينتظر ساعة كاملة حتى يوكف شعرة
والله شنو يريد يسوي شعرة سبايكي
هجم بيت السبايكي
الله يرحم جان شعره مكنكر يحطلة مي ويصفطة ويطلع
طبعا يطلع الافندي بعدة بباب بيتهم
بس يشوف بنية حلوة يصجمهة
هسة دكول يالله شنو استفتاحية
يصعد افندينا بالكية واذا كعدت كدامه وحدة حلوة
تصير كوراث يظل طول الطريق صافن بجهرتهة
دعوفهة يمعود
ويروح للكلية ميخلي واحد ميحجي وياه
كلة جرش سوالف
يسئلة الاستاذ يابة ليش متأخر
يكولة هيجي يابة شنو هيجي مندري
ويكعد الافندي على نار بس يريد تخلص المحاظرة
اي شلون ميعرف يكعد ساد حلكة
لازم جكاير وجرش سوالف
وفوكاهة يحجون على البنات !!!
الموقع
