يوسف من طلع يتمشه عنسوان
صح جرحن أديهن لاكن أشوه
بس انته بطلعتك مالكَينه جفوف
كَمنه انكَص ادينه ابكل اثر خطوه
***
أغار اعليك حتى من الهوه الهاب
وكَضيت العمر كله اعليك خايف
شفتين البشر تملك بالوجوه
ونته منين ماكَلبك شفايف
***
اضل بيك انه افكر لمن اشتاكَ
ويضل الكَلب يرجف من اذكرك
اذا حبك عذاب يطلع اروح
خل اخسر الروح وما أخسرك
***
سألو هم تحبه وجاوبتهم حيل
أحبنه كَبل لا ينولد جدي
أمك من كثر كَعداتي يم البيت
أنطتني ربع حسبالهه مجدي
***
بكَلبي اتسابقو لعبو الحلوين
خسرت كلهه بدور البدائي
ونته ابلا لعب صاعد على الكاس
بحلاتك ربك مصعدك نهائي
***
بالك لاتضن بطباعي مثل الغير
انه بطبعي نهر يروي البساتين
اذا كَتلك أحبك يعني للموت
مو حب هالوكت ما يبقى يومين
***
اذا حبك نهر أتمنه أغركَ بي
والغركَان نعرف يدخل الجنه
واذا لا سامح الله قسمتك للنار
وحق الله ورسوله النارك اتعنه
***
لا تلوم الشمس لو خلت مساج
انته لو شافك يحط خلطه الكَمر
يوم واحد لو خلق ربك انسان
ونته بس بحاجبك يخلق شهر
***
انته يالحسنك خيال من الخيال
وصعب ان توصل جمالك صوره
ردت ارسمك صوره في روعة جمال
وانه ارسمك طاحت الصبوره
***
انته ضيم اسود نزل من السماء
شنهي فلمك كون طركَاعه التجيك
شنهي فلمك غير شايلك جمال
اذا حته مرايتك داخت عليك
***
انته يال أنواع بيك من الجمال
كَلي هم تنباع حته انه اشتريك
يم المرايه الخلكَ توكَف تشوف
وانته المرايه تجي اتباوع عليك
تقبلو تحياتي
الموقع